Kvam vgs.

Tilrettelagt opplæring

Kvam videregående tilbyr tilrettelagt opplæring for elevar som har behov for det.
Opplæringa er knytt opp mot eit utdanningsprogram og tar utgangspunkt i dei faga, eller delar av faga, som eleven kan meistre.
Eleven får eit kompetansebevis som viser kva mål i læreplanen som er gjennomført.

Arbeidstrening (HTA) og Kvardagsliv (HTH)

Skulen tilbyr arbeidstrening der dei legg særleg vekt på å førebu eleven til eit varig tilrettelagt eller ordinært arbeid etter vidaregåande skule.
Skulen tilbyr også kvardagslivstrening der det vert lagt særleg vekt på opplæring i basiskunnskap innan aktivitetar i dagleglivet.
Kvar elev i desse gruppene har ulike behov og vil få undervisning tilpassa dette.
Opplæringa er knytt til eit av skulen sine opplæringsprogram.
Nokre elevar kan med støtte delta i ordinær klasseundervisning i enkelte fag.
Arbeidspraksis i verna bedrift eller tilrettelagt arbeidsplass vert vurdert etter behov og nytte.

Om du ønsker å gå i ordinær klasse, men treng litt ekstra tilrettelegging for å meistra faga, eller du er føresett for ein elev som treng mykje tilrettelegging, er du velkommen til å ta kontakt med skulen. Saman kan dykk planleggja kva som kan vera ei god løysing.